Bakı şəhərinin Nizami rayonu ərazisində dəhşətli yol qəzası baş verib. Rayon Polis İdarəsindən Lent.az-a verilən məlumata görə, Qara Qarayev prospekti, 106 ünvanının qarşısında Zöhrabov Fərid Şahin oğlunun idarə etdiyi “BMW X 5” markalı 10 RC 222 dövlət nömrə nişanlı avtomobil səki ilə hərəkət edən piyadaları vurub.
Məlumata görə sürücünün idarəetməsindən çıxan avtomobil qadınların üstünə doğru irəliləyib və 1956-cı il təvəllüdlü Muradova Zəmanə Abduləli qızını və 1972-ci ildə anadan olmuş İsmayılova Gülzar Əşrəfəli qızını vurub. Z.Muradova hadisə yerindəcə keçinib. G.İsmayılova isə ağır vəziyyətdə 3 saylı şəhər xəstəxanasına yerləşdirilib
Faktla əlaqədar Nizami RPİ-də cinayət işi açılıb, araşdırmalar aparılır.
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.