Narkotik vasitələrdən istifadə etdiyinə görə axtarışda olan Türkiyənin tanınmış müğənnisi Deniz Sekidən hələ də xəbər yoxdur. Lent.az-ın “Axşam” qəzetinə istinadən verdiyi məlumata görə, müğənninin qardaşı Serkan Seki jurnalistlərə açıqlamasında deyib ki, bacısı polisə təslim olmalıdır: “Bacımla bağlı məhkəmə prosesi davam edir. Konstitusiya Məhkəməsinə müraciət etmişik. İstintaq davam edənə qədər susmağımızı tapşırdılar. Biz də susduq. Amma biz susduq, əvəzində başqaları danışdı. Madam ki, bacımın yerini bilirlər, mənə də desinlər. Mən də bacıma həsrətəm, gedim görüm. Bu işin sonu yoxdur. Bacım gedib təslim olsun. Mən bacıma polisə təslim olma deməmişəm”.
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.