Ekologiya və Təbii Sərvətlər Nazirliyi dekabt ayına olan hava proqnozunu açıqlayıb.
Nazirliyin Milli Hidrometeorologiya Departamentindən məlumata görə, aylıq yağıntının miqdarının iqlim normasına yaxın, bəzi ərazilərdə isə iqlim normasından bir qədər çox olacağı ehtimalı var.
Bakıda və Abşeron yarımadasında Temperatur Orta aylıq 4-7° isti gözlənilir ki, bu da iqlim normasından bir qədər aşağıdır. Gecələr 1-5° isti, ayrı-ayrı günlərdə 0-4° şaxta təşkil edəcək.
Gündüzlər 5-10° isti, bəzi günlərdə 2° şaxtadan 2°-dək isti.
Yağıntı aylıq yağıntının miqdarının iqlim normasına yaxın, bəzi yerlərdə isə
bir qədər çox (norma 25-34 mm) olacağı gözlənilir.
Naxçıvan Muxtar Respublikasında Temperatur Orta aylıq 5-8° şaxta gözlənilir ki, bu da iqlim normasından aşağıdır. Gecələr 9-14° şaxta, bəzi günlərdə 18-23°, ayın sonunda 25-28° şaxta.
Gündüzlər 2° şaxtadan 3°-dək isti, ayın birinci ongünlüyünün bəzi günlərində 4-6° isti, ayın ortalarında və sonunda 6-11° şaxta olacağı gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 20-35 mm) olacağı gözlənilir.
Yuxarı Qarabağ: Xankəndi, Şuşa, Xoçalı həmçinin Xocavənd, Qubadlı, Zəngilan, Laçın,Kəlbəcər və Daşkəsən-Gədəbəy rayonlarında orta aylıq 0-5° şaxta gözlənilir ki, bu da iqlim normasından aşağıdır.
Gecələr 3-8° şaxta, bəzi günlərdə 15°-dək şaxta, ayın sonunda 18-23° şaxta gözlənilir.
Gündüzlər 3° şaxtadan 2°-dək isti, ayrı-ayrı günlərdə 5-10° şaxta təşkil edəcək. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 27-30 mm) olacağı gözlənilir.
Qazax-Gəncə, Goranboy, Tər-Tər, Ağdam, Füzuli, Cəbrayıl rayonlarında orta aylıq -2° şaxtadan 3°-dək isti gözlənilir ki, bu da iqlim normasından aşağıdır. Gecələr 3-8° şaxta, ayın birinci ongünlüyündə 0-5° isti olacağı gözlənilir. Gündüzlər 1-6° isti, bəzi günlərdə 0-5° şaxta təşkil edəcək.
Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 13-32 mm) olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında isə orta aylıq 0-5° şaxta gözlənilir ki, bu da iqlim normasından aşağıdır.
Gecələr 3-8° şaxta, ayın sonunda 10-15° şaxta, yüksək dağlıq ərazilərdə 20-25° şaxta gözlənilir
Gündüzlər 2° şaxtadan 3°-dək isti, bəzi günlərdə 2-7° şaxta, dağlarda 13°-dək şaxta, ayın birinci ongünlüyünün bəzi günlərində 4-6° isti gözlənilir.
Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 24-48 mm) olacağı gözlənilir.
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq 0-5° isti gözlənilir ki, bu da iqlim normasına yaxın və bir qədər aşağıdır.
Gecələr 0-5° isti, bəzi günlərdə 2-7°-dək şaxta gözlənilir.
Gündüzlər 3-8° isti, ayın birinci ongünlüyündə 10-12° şaxta, ikinci və üçüncü
ongünlüyün bəzi günlərində 3° şaxtadan 2°-dək isti gözlənilir.
Yağıntı aylıq yağıntının miqdarının iqlim normasına yaxın, bəzi yerlərdə isə
bir qədər çox (norma 19-32 mm) olacağı gözlənilir.
Masallı, Yardımlı, Lerik, Lənkəran, Astara rayonlarında orta aylıq 0-5° isti gözlənilir ki, bu da iqlim normasına yaxın və bir qədər aşağıdır.
Gecələr 0-4° şaxta, ayın sonunda 1-6° şaxta, dağlarda 3-8° şaxta, ayın sonunda 15-18° şaxta təşkil edəcək.
Gündüzlər 5-10° isti, dağlarda 2-7° şaxta gözlənilir.
Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 45-106 mm) olacağı gözlənilir.
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.