Azərbaycanın işğal altındakı Xankəndi şəhərində kəlbəcərli girovlar Dilqəm Əsrəgov və Şahbaz Quliyevin üzrənidə qurulan “məhkəmə” prosesi yekunlaşmaq üzrədir.
Modern.az saytı Ermənistan mətbuatına isitnadən xəbər verir ki, bu gün keçirilən proses zamanı ”prokuror” Karen Qabrielyan Dilqəm Əsgərovun ömürlük azadlıqdan məhrum olunmasını tələb edib. O, Şahbaz Quliyevin isə 22 il müddətinə azadlıqdan məhrum olumasnı istəyib.
Dilqəm Əsgərov və Şahbaz Quliyev 2014-cü ilin iyul ayında Azərbaycan Respublikasının Ermənistan tərəfindən işğal edilmiş bölgəsinə – öz doğma torpaqlarına səfər edərkən Kəlbəcər rayonu ərazisində Ermənistan silahlı qüvvələri tərəfindən girov götürülüb. Onlarla birgə getmiş digər azərbaycanlı Həsən Həsənov isə qətlə yetirildikdən sonra meyiti Azərbaycana qaytarılıb.
Oktyabrın 27-dən başlayaraq işğal altındakı Xankəndi şəhərində azərbaycanlı girovlara qondarma məhkəmə qurulub. Ermənilər onlar diversant olmaqda günahlandırırlar.
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.