Sabah Bakı və Abşeron yarımadasında hava şəraitinin yağıntılı olacağı və qar yağacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən FaktXəbər-ə verilən məlumata əsasən, sabah şimal-qərb küləyi güclənəcək. Covğun olacağı, gecəyə doğru yolların buz bağlayacağı ehtimalı var. Havanın temperaturu gündüz 0 dərəcəyə yaxın, axşama doğru 2 dərəcəyədək şaxta olacaq.
Azərbaycanın bölgələrində də hava şəraitinin yağıntılı olacağı, sulu qar və qar yağacağı gözlənilir. Yağışntının arabir intensivləşəcəyi ehtimalı var. Şimal-qərb küləyi güclənəcək. Havanın temperaturu gecə və gündüz 2 dərəcə şaxtadan 3 dərəcəyədək isti, dağlarda gecə 8-13 dərəcə şaxta, yüksək dağlıq ərazilərdə 18-23 dərəcə şaxta, gündüz 2 dərəcəyədək şaxta olacaq. Yollar buz bağlayacaq.