Bakı 2015 I Avropa Oyunları zamanı istifadə olunacaq ambulans-helikopterlərin texniki göstəriciləri məlum olub. ANS PRESS-in oxu.az-a istinadla verdiyi məlumata görə, müqaviləyə əsasən, Azərbaycan bir neçə il öncə aldığı AgustaWestland-139 helikopterlərini təcili tibbi yardım xidməti göstərən ambulans-helikopterlər kimi istifadə edəcək.
Dünənki məlumata əsasən, fövqəladə hallarda həmin helikopterlərdən istifadə ediləcək. Onlar artıq hazır vəziyyətdədirlər.
AgustaWestland-139 iki mühərrikli yeni nəsil orta sinfi təmsil edən helikopterlərdəndir.
AW-139 ekonomik göstəricilərə, yüksək uçuş-texniki xüsusiyyətlərə, çoxfunksionallığa və yüksək dözümlülüyə malik olan helikopter sayılır.
AW-139 öz sinfində saatda 311 km sürət yığan yeganə helikopterdir. Helikopter havaya maksimal 6 800 kiloqram çəki ilə uça bilər.
Adıçəkilən helikopter maksimum 15 sərnişini yüksək sürətlə rahat daşıya bilər. Baqaj giriş xaricində, eləcə də helikopter daxilində mümkündür.
AW-139 son tələblərə uyğun hazırlanıb.
Qeyd edək ki, I Avropa Oyunları zamanı Azərbaycana əlavə olaraq 100 təcili yardım maşını gətirilib. Onlardan 95-i Bakıda, 5-i isə Mingəçevirdə istifadə olunacaq.
http://s019.radikal.ru/i619/1504/bd/11dcb1f37501.jpg
http://s018.radikal.ru/i504/1504/6d/ea21c43f2a37.jpg
http://s008.radikal.ru/i304/1504/4b/d1fdf292428a.jpg
http://s011.radikal.ru/i316/1504/09/edc72f0d8ef0.jpg
http://s017.radikal.ru/i434/1504/06/54a8d0587129.jpg
http://s018.radikal.ru/i501/1504/a1/13b69b0be772.jpg