Dünya reytinqində ikinci olan Elmar Qasımov Bakı-2015 həyəcanını dilə gətirdi
İyunun 12-də keçiriləcək ilk Avropa Oyunlarının açılış mərasimində komandaların paradı zamanı Azərbaycan bayrağını cüdo üzrə Avropa çempionu, dünya çempionatının gümüş medalçısı Elmar Qasımov daşıyacaq.
ANS PRESS-in məlumatına görə, Elmar Qasımov Bakı 2015-də doğma divarlar arasında qızıl medala sahib olma planları üçün diqqət və xüsusi məşqlərin əsas amil olduğunu açıqlayıb.
Çəki kateqoriyası üzrə dünya reytinqində ikinci sırada yer alan Qasımov Mərakəşdə keçirilən “Usta idmançılar arasında” yarışı, Samsunda keçirilən Qrand-pri yarışları və Tiflisdə keçirilən Qrand-pri yarışları da daxil olmaqla 2015-ci ildə üç qızıl medal qazanıb. İyirmi dörd yaşlı idmançı 2015-ci ilin may ayında Bakıda keçirilən Qrand Şlem yarışında gümüş medala sahiblənib. 2014-cü ildə Rusiyanın Tümen şəhərində təşkil olunmuş Qrand Şlem yarışındə Qasımov qızıl medal qazanıb.
E.Qasımov bildirib: “Diqqəti qələbəyə yönəltmək və xüsusi məşqlər qızıl medala sahib olmaq üçün əsasdır”.
Elmar Qasımov 2014-cü ildə Avropa Çempionatında ikinci yerdə qərarlaşıb. Yarışlar zamanı diqqətini toplaması uğur üçün əsas olduğunu bildirib: “Tatamiyə çıxarkən, ancaq rəqibimi düşünürəm, başqa heç nə. Tatamidə olarkən hər şeyi unuduram, həyəcanlanmıram.”
Qasımov 16 ildir ki, cüdo ilə məşğuldur və ölkə divarları arasında ilk Avropa Oyunları çempionu olmaq üçün mübarizədə çox həyəcanlıdır: “Bakıda keçiriləcək ilk Avropa Oyunları çox ilhamvericidir. Qələbə mənim həvəsimdir”.
Cüdo yarışları iyun ayının 25-dən başlayaraq dörd gün ərzində Heydər Əliyev adına İdman Mərkəzində keçiriləcək. 18 medal yarışlarından ibarət olacaq boks yarışında Avropadan 416 kişi və qadın idmançılar iştirak edəcəklər.