“Oda” Teatrının quruluş verdiyi “MimOda 18+” tamaşası ətrafında mübahisələr səngimək bilmir.
Dünən əməkdar incəsənət xadimi, kinorejissor Ayaz Salayevin aktrisalara müraciətində “ya səhnəyə çıxıb, soyunub, açıq-saçıq səhnələri oynayın, ya da bu sənətə gəlməyin” kimi ifadələr işlətməsi birmənalı qarşılanmayıb.
AzNews.az xəbər verir ki, rejissorun bu fikirləri xalq artisti, Akademik Milli Dram Teatrının aktyoru Ramiz Məliki də özündən çıxarıb. Sosial şəbəkədə Ayaz Salayevin ünvanına ağır tənqidlər səsləndirən aktyor bildirib ki, heç bir kimin Azərbaycan qızlarını təhqir etməyə ixtiyarı yoxdur: “Ayaz Salayev, get kilsədə keşişə özünə ağıl duası oxutdur. Sənə kim ixtiyar verib ki, Azərbaycan qızlarını əxlaqsız yola çəkirsən? Çəkdiyin bir-iki film heç bir gün də ekranda göstərilməyib. Bu xalqın milli mentaliteti, yüksək qüruru var. Onların heç biri səndə yoxdur. Otur komanda, dilini qoy qarnına”.
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.