ABŞ prezidenti Donald Tramp İranla sülh müqaviləsinin iki-üç gün ərzində imzalana biləcəyini iddia edivb.
O, Nyu-Yorkda NBA oyununa baxdıqdan sonra təyyarəsindən düşərkən jurnalistlərə bildirib.
"İranın hər hansı bir formada nüvə silahına sahib olmasının qarşısını alacaq çox, çox yaxşı bir razılaşmanın son mərhələsindəyik. Boğaz dərhal açılacaq. İmzalanmadan dərhal sonra açılacaq ki, bu da iki-üç gün ərzində baş verə bilər", - deyə Tramp jurnalistlərə bildirib.
Aydınlaşdırma istənildikdə, o, dəqiq olaraq "iki və ya üç gün" demək istədiyini təsdiqləyib.
Donald Tramp deyib: "Bunu etmək üçün yaxşı şansımız var. Düşünürəm ki, çox güclü və təsirli bir razılaşmaya çox, çox yaxınıq".
Daha əvvəl bildirilmişdi ki, Tramp son 3 ayda 37 dəfə bildirib ki, İranla razılaşmaya çox yaxındırlar./publika.az