“Burkina-Faso əhalisi demokratiya məsələsini yaddan çıxarmalıdır. Həqiqəti demək lazımdır – demokratiya bizlik deyil”. Medianews.az xəbər verir ki, bu sözləri ölkənin dövlət telekanalına müsahibəsində Burkina-Faso prezidentinin səlahiyyətlərini icra edən İbrahim Traore deyib.
İbrahim Traore hakimiyyətə 2022-ci ildə dövlət çevrilişi nəticəsində yiyələnib. Həmin il hərbi xuntanı devirərək prezident postunda oturan İbrahim Traore ölkədə bütün siyasi partiyaları ləğv edib.
Yeni hakimiyyət öncə 2024-cü ildə seçkilər keçiriləcəyini vəd etsə də, sonradan İbrahim Traorenin prezident səlahiyyətlərini icra etmə müddəti 2029-cu ilədək uzadılıb.
1988-ci il təvəllüdlü İbrahim Traore hərbçidir. Hakimiyyətə gələnə qədər kapitan İbrahim Traore orduda xüsusi təyinatlı dəstənin komandiri olub.