Ukraynanın ABŞ-da səfiri dəyişir – Namizədlər arasında baş nazir və müdafiə nazirinin də adı çəkilir

Ukraynanın ABŞ-dakı səfirinin dəyişdirilməsinə hazrlıq görülür. Medianews.az xəbər verir ki, bunu ABŞ-ın “Bloomberg” agentliyi yazıb. Agentliyin etibarlı mənbələrdən aldığı məlumata görə, səfirin dəyişdirilməsi məsələsi ABŞ prezidenti Donald Trampla Ukrayna prezidenti Volodimir Zelenski arasında ötən həftə baş tutan telefon söhbətində müzakirə edilən məsələlərdən biri olub. Hazırda Ukraynanın ABŞ-da səfiri Oksana Markarovadır. Səfir postuna namizədlər arasında Ukraynanın baş naziri Denis Şmıxalın, baş nazirin müavini Olqa Stefanişinanın, müdafiə naziri Rüstəm Umerovun və energetika naziri German Qaluşenkonun adları çəkilir. Medianews.az