Pərvin Əkbərov Tibbi Ərazi Bölmələrini İdarəetmə Birliyi (TƏBİB) icraçı direktorunun müşaviri vəzifəsindən azad olunub.
Medianews.az xəbər verir ki, o, "Qaynarinfo"ya açıqlamasında müşavir vəzifəsindən çıxarıldığını təsdiqləyib və hazırda "Yeni Klinika"nın direktor müavini, Somatika və STROK mərkəzinin rəhbəri kimi işini davam etdirdiyini bildirib.
Qeyd edək ki, Pərvin Əkbərov 2023-cü ilin yanvar ayında TƏBİB-in sabiq İcraçı direktoru Vüqar Qurbanovun əmri ilə müşavir təyin olunmuşdu.//Oxu.Az