Türkiyədə bir şəxs mübahisə etdiyi qadına fiziki zorakılıq göstərərək onu zorla avtomobilə mindirməyə cəhd edib.
Medianews.az xəbər verir ki, hadisə İstanbulun Kartal bölgəsində baş verib.
İnsident ətrafdakı şəxslər tərəfindən lentə alınıb.
Hadisəyə müdaxilə edərək qadını xilas etməyə çalışan şəxslər şübhəli tərəfindən hücuma məruz qalıb. Bu zaman tərəflər arasında yaranan mübahisə qısa müddətdə böyüyərək davaya çevrilib.
Baş verənlər ərazidə olan bir vətəndaş tərəfindən mobil telefon vasitəsilə qeydə alınıb. Görüntülərdə şübhəlinin qadına zorakılıq etdiyi və onu məcburi şəkildə avtomobilə mindirməyə çalışdığı aydın şəkildə əks olunub.
Medianews.az