Rusiyanın xalq artisti Qriqoriy Leps sağlamlıq problemlərinə görə konsertlərini ləğv edib.
Medianews.az xəbər verir ki, müğənninin tənəffüs yolları infeksiyası aşkarlanıb və bu, bronxlara qədər fəsad verib.
Leps uzunmüddətli öskürəkdən şikayətlənir və səsinin bərpası üçün hormonal preparatlar qəbul edir. Müalicə prosesinin altı ay davam edəcəyi gözlənilir.
Lepsin iki saatlıq solo konsertləri ifa etməkdə çətinlik çəkdiyi, buna görə də daha qısa — təxminən 40 dəqiqəlik — özəl çıxışlara üstünlük verdiyi qeyd olunur. Məlumata görə, sənətçi bundan əvvəl artıq üç dəfə səs tellərinə əməluyyat keçirib.
Medianews.az