"Mançester" 50 milyona oyunçu alır - FOTO

Mövsümün uğursuz komandası "Mançester Siti" yayda heyətini gücləndirəcəyi futbolçuları müəyyənləşdirir. Milli.Az xəbər verir ki, İngiltərə nəhənginin əsas transfer hədəflərindən biri "Nottingem Forest"in yarımmüdafiəçisi Morqan Gibbs-Uaytdır. "Siti" təcrübəli futbolçu üçün klubuna 50 milyon avro təklif edib. 25 yaşlı oyunçu "şəhərlilər"in heyətində oynamağa müsbət baxır. Əsas problem isə onu buraxmaq istəməyən klubudur. Qeyd edək ki, Morqan bu mövsüm "Nottingem Forest"in heyətində çıxdığı 34 oyunda 5 qol və 9 məhsuldar ötürmə edib.