23-cü dünya futbol çempionatının başlanmasına dörd aya yaxın vaxt qalır.
Çempionat iyunun 11-dən iyulun 19-dək üç ölkədə - ABŞ, Kanada və Meksikada keçiriləcək.
Medianews.az bildirir ki, bu həftə Meksikada Xalisko yeni nəsil kartelinin lideri, “El Menço” kimi tanınan Nemesio Oseguera Servantesin öldürülməsindən sonra baş qaldıran qanlı toqquşmalar dünya futbol çempionatının taleyi baxımından da narahatlıqlar yaradıb.
İngiltərənin “Sky News” kanalı bildirir ki, Meksikadakı zorakılıq çempionata, futbolçuların və azarkeşlərin mövqeyinə təsir göstərə bilər.
Kanal vurğulayır ki, dünya çempionatının start götürməsinə çox vaxt qalmayıb, ona görə Meksika hökuməti ölkədə vəziyyəti sürətlə nəzarət altına almalı, sabitlik yaratmalıdır: “Əks halda insanlar Meksikaya səfərdən çəkinə, bu ölkəyə getməkdən boyun qaçıra bilərlər”.
Medianews.az xatırladır ki, dünya futbol çempionatında 48 milli komanda iştirak edəcək. 42 komanda artıq çempionata vəsiqə alıb. Son 6 vəsiqənin sahibləri 2026-cı ilin martında müəyyənləşəcək.
ABŞ, Kanada və Meksikanın ev sahibi olduğu çempionatda komandalar 12 qrupa bölünüb: ilk iki yeri tutanlar və üçüncülər arasında ən yaxşı nəticə göstərmiş 8 komanda 1/16 finala bilet alacaq:
A qrupu
Meksika
CAR
Cənubi Koreya
Danimarka/Şimali Makedoniya/Çexiya/İrlandiya
B qrupu
Kanada
İtaliya/Şimali İrlandiya/Uels/Bosniya
Qətər
İsveçrə
C qrupu
Braziliya
Mərakeş
Haiti
Şotlandiya
D qrupu
ABŞ
Paraqvay
Avstraliya
Türkiyə/Rumıniya/Slovakiya/Kosovo
E qrupu
Almaniya
Kürasao
Fil Dişi Sahili
Ekvador
F qrupu
Niderland
Yaponiya
Ukrayna/İsveç/Polşa/Albaniya
Tunis
G qrupu
Belçika
Misir
İran
Yeni Zelandiya
H qrupu
İspaniya
Kabo Verde
Səudiyyə Ərəbistanı
Uruqvay
İ qrupu
Fransa
Seneqal
Norveç
İraq/Boliviya/Surinam
J qrupu
Argentina
Əlcəzair
Avstriya
İordaniya
K qrupu
Portuqaliya
Konqo Demokratik Respublikası/Yeni Kaledoniya/Yamayka
Özbəkistan
Kolumbiya
L qrupu
İngiltərə
Xorvatiya
Panama
Qana.
1930 və 1950-ci illərdə Uruqvay, 1934, 1938, 1982 və 2006-cı illərdə İtaliya, 1954, 1974, 1990 və 2014-cü illərdə Almaniya (Qərbi Almaniya), 1958, 1962, 1970, 1994 və 2002-ci illərdə Braziliya, 1966-cı ildə İngiltərə, 1978, 1986 və 2022-ci illərdə Argentina, 1998 və 2018-ci illərdə Fransa, 2010-cu ildə İspaniya dünya çempionu olub.
Toğrul Əli,
Medianews.az