Rusiyalı həkim Hüseyn Əhməd, yuxunu yaxşılaşdırmaq və əhval-ruhiyyəni yüksəltmək üçün gəzintini gündəlik vərdişə çevirməyi təklif edir.
Medianews.az xəbər verir ki, həkimin sözlərinə görə, səhər saat 11:00 ilə 15:00 arasında gəzinti etmək, həm yuxu keyfiyyətini yaxşılaşdırır, həm də fəaliyyət səviyyəsini tənzimləyir.
Həkim, 10.000 addım atmağın vacib olmadığını vurğulayır. Ən azı həftədə 150 dəqiqə və ya 5 gün gündə 30 dəqiqə sürətli gəzinti, ürək-damar xəstəlikləri riskini azaldır və çəki idarəçiliyinə kömək edir.
Əhməd qeyd edib ki, gəzinti, sürətli və dərin yuxu üçün bioloji siqnalların istehsalını stimullaşdırır. Bu yanaşma xüsusilə oturaq həyat tərzi sürənlər və məşq etmədən gecə yuxusunun keyfiyyətini artırmaq istəyənlər üçün faydalıdır.
Medianews.az