Xalq arasında “göbək düşməsi” kimi tanınan vəziyyət əslində çox vaxt xəstəlik deyil, qarın əzələlərinin gərilməsi və ya göbək yırtığının ilkin mərhələsi olur.
Medianews.az xəbər verir ki, bu hal adətən ağır qaldırma, ani hərəkət, hamiləlik və ya güclü öskürək nəticəsində qarın daxili təzyiqin artması ilə yaranır. Nəticədə göbək ətrafında ağrı, dartılma və bəzən yüngül şişkinlik hiss olunur.
Həkimlər qeyd edir ki, ilkin mərhələdə əlamətlər qarın əzələsinin yorulması ilə yırtıq arasında oxşar ola bilər, lakin zamanla yırtıqda şişkinlik daha qabarıq görünür.
Mütəxəssislərin sözlərinə görə, göbəyi “yerinə salmaq” kimi üsullar elmi əsas daşımır və xüsusilə yırtıq varsa, vəziyyəti ağırlaşdıra bilər.
Yüngül hallarda istirahət və ağır fiziki yüklənmədən uzaq durmaq kifayət edə bilər. Lakin davamlı ağrı, şişkinlik və ümumi halsızlıq olduqda həkimə müraciət etmək tövsiyə olunur.
Medianews.az