ABŞ Yaxın Şərqdə hərbi mövqeyini gücləndirərkən, İran da nüvə obyektlərini möhkəmləndirir, raket bazalarını bərpa edir və hava bazalarını təmir edir. Tehran həmçinin müharibə veteranlarını yüksək vəzifələrə gətirib və daxili müxalifətə qarşı repressiyaları artırıb.
Medianews.az xarici mediaya istinadən xəbər verir ki, ABŞ ordusu yaxın günlərdə hücuma hazır ola bilər.
Keçən il İsrailin hücumu nəticəsində İranın raket və nüvə obyektləri zədələnib, lakin peyk görüntüləri göstərir ki, Tehran binaları və raket sistemlərini bərpa edib. İran həmçinin Fars və Oman körfəzi ətrafında dəniz təlimləri keçirib, bəzi su yollarını müvəqqəti bağlayıb. Ekspertlər bildirir ki, Tehran bu addımlarla ABŞ-yə mesaj göndərir və müdafiəsini gücləndirir.
Medianews.az
