"Real Madrid" rəhbərliyi ilə komandanın ulduz hücumçusu Vinisius Junior arasında yeni müqavilə imzalanması prosesi gərgin fazaya qədəm qoyub.
Offsideplus.az xəbər verir ki, aprel ayının son məlumatlarına görə, tərəflər arasında maliyyə şərtləri ilə bağlı ciddi fikir ayrılığı yaranıb.
Klubun prezidenti Florentino Perez bir müddət əvvəl ulduz futbolçuya yeni müqavilə təklifi təqdim edib. Lakin Madrid təmsilçisinin mövqeyi budur:
Masadakı təklifə tək bir avro belə əlavə edilməyəcək.
Klub rəhbərliyi futbolçunun düşərgəsinə bildirib ki, bu, son təklifdir və artım olmayacaq. Rəhbərlik maaş balansını qorumaq üçün geri addım atmır.
Vinisius Juniorun agentləri isə klubdan daha yüksək məbləğ və "tarixi" şərtlər tələb edirlər. Agentlərin istədiyi rəqəmin "Real Madrid" tarixində yalnız Kriştiano Ronaldonun aldığı səviyyədə olduğu iddia edilir.
Vəziyyətin paradoksu: Həm Vinisius "bu, mənim xəyallarımın klubudur" deyərək qalmaq istəyir, həm də klub onun vacibliyini qəbul edir. Lakin "pul problemi" hələ də rəsmi imzaların atılmasına mane olur.
Tərəflər arasındakı bu qeyri-müəyyənliyin yaxın vaxtlarda həll olunacağı gözlənilmir. Hazırkı vəziyyətin bu yay keçiriləcək 2026-cı il Dünya Çempionatından sonraya qədər davam edəcəyi ehtimal olunur.
"Real Madrid"in ulduz oyunçunu satmaq niyyəti olmasa da, müqavilənin 2027-ci ilin yayında başa çatması və danışıqların uzanması transfer şayiələrini yenidən alovlandırıb.