Fransa millisinin və “Real Madrid” klubunun hücumçusu Kilian Mbappe gələcəkdə ABŞ-də çıxış edə biləcəyini istisna etməyib.
Medianews.az-ın məlumatına görə, 27 yaşlı futbolçu bildirib ki, Devid Bekhem ona MLS-də oynamağı təklif edib.
“ABŞ mədəniyyəti həmişə xoşuma gəlib. Orada ambisiyaların həddi yoxdur. Gələcəkdə MLS-də oynaya bilərəm. Dəqiq bilmirəm, amma Devid Bekhem mənə belə bir təklif edib”, – deyə Mbappe bildirib.
Qeyd edək ki, Bekhem hazırda “İnter Miami” klubunun həmsahiblərindən biridir. Komandada Argentina millisinin kapitanı Lionel Messi çıxış edir.
Medianews.az