Yuxu pozğunluğu ilə əlaqəli tənəffüs çatışmazlığının sürətlə artması ilə bağlı mütəxəssislər xəbərdarlıq ediblər.
Medianews.az xəbər verir ki, ortodont məsləhətçisi Ama Johal və yuxu cərrahı Ryan Chin Tau xorultu epidemiyasının səbəblərini açıqlayıblar.
Johal bildirib: “Bu, sadəcə səs-küy deyil, hava yollarının qismən tıxandığına və bədənin hava uğrunda mübarizə apardığına dair əsl siqnaldır.”
Həkimlər xoruldamanın yayılmasına təsir edən bir sıra əsas amilləri qeyd ediblər: irsiyyət, yaşlanma, piylənmə nisbətinin artması, spirtli içki qəbulu, hava çirkliliyi və digər xarici amillər səbəbindən hava yollarının iltihabı.
Dr. Çonq bildirib ki, bu amillər hava yollarının daralmasına səbəb olur və nəticədə xoruldama və əlaqəli sağlamlıq problemləri meydana çıxır.
Mütəxəssislər həmçinin vurğulayıblar ki, yuxu apnesi olan bir çox insan bundan xəbərsizdir və simptomları yalnız yorğunluq kimi qəbul edir. Johal əlavə edib ki, son illərdə sağlam yuxuya marağın artması insanların bu problemləri daha çox görməsinə və tibbi yardım axtarmasına səbəb olub.
Medianews.az