ABŞ-nin Alyaska ştatında yerləşən Uittier şəhəri dünyada nadir nümunələrdən biridir.
Medianews.az xəbər verir ki, burada demək olar ki, bütün əhali ( 200-260 nəfər) 14 mərtəbəli “Begich Towers” adlı binada yaşayır.
Şəhər dağlar və su ilə əhatələndiyi üçün buraya yalnız 4,2 km uzunluğunda tunel vasitəsilə daxil olmaq mümkündür. Binada yaşayış mənzilləri ilə yanaşı poçt, ərzaq mağazası, çamaşırxana, kilsə və tibbi klinika da fəaliyyət göstərir.
Sərt iqlim şəraiti — güclü qar və küləklər — sakinləri belə bir mərkəzləşmiş həyat tərzinə alışdırıb. Hətta məktəbə getmək üçün uşaqlar binanı məktəblə birləşdirən yeraltı tuneldən istifadə edirlər.
Bu unikal həyat tərzi sakinlər arasında gündəlik sıx ünsiyyət yaradır və şəhəri dünyanın ən maraqlı yaşayış məkanlarından birinə çevirir.
Medianews.az
