"Nyukasl Yunayted"in futbolçusu Bruno Gimarayns zədələnib.
Oxu.Az xəbər verir ki, bunu komandanın baş məşqçisi Eddi Hau İngiltərə Liqa Kubokunun yarımfinal mərhələsində "Mançester Siti"yə qarşı matçdan əvvəl mətbuat konfransında deyib.
O bildirib ki, zədə səbəbindən Bruno Gimarayns bu oyunda iştirak edə bilməyəcək. Lakin həftəsonu Premyer Liqada "Brentford"a qarşı keçirilən oyunda iştirak etməsi üçün şans var.
Xatırladaq ki, fevralın 18-də UEFA Çempionlar Liqasının play-off mərhələsində "Qarabağ" Bakıda "Nyukasl Yunayted"ə qarşı ilk görüşünü keçirəcək. Cavab matçı isə fevralın 24-dən 25-nə keçən gecə İngiltərədə baş tutacaq.
