Fatimeyi Zəhra Məscidinin yanında 2 yaşlı oğlan uşağı tapılıb.
Medianews.az xəbər verir ki, bu barədə Azərbaycan Uşaqlar Birliyinin sədri Kəmalə Ağazadə paylaşım edib.
“Əziz dostlar, xahiş edirəm, maksimum paylaşın!
Bu gün Mehdiabad polis bölməsi balacanı bizə gətirib. Təxminən 2 yaşı olar. Bəzi sözlər deyir, adını bilmir... Goradil qəbiristanlığının Fatimeyi Zəhra Məscidinin yanında yatmış vəziyyətdə tapılıb. Qoyub gediblər qansızlar...
Hazırda polisdə axtarış gedir. Paylaşmaqda məqsədimiz bəlkə körpəni tanıyanlar oldu...
Onu güldürüb özümüz isə ağlamışıq...Adını Tale qoymuşuq...”, - deyə o əlavə edib./Qafqazinfo
