Pişiklər sizinlə oynaya bilər və ya aqressivlik göstərə bilərlər.
Pişiklər özlərini bədən dili, mırıltı və miyovlama kimi səsləndirmələr vasitəsilə ifadə edir və sahibləri ilə ünsiyyət qururlar. Dişləmək pişiklərin ünsiyyət qurmasının digər vacib yoludur, lakin bu, sahibləri üçün olduqca xoşagəlməz ola bilər. Catster, pişiklərin dişləməsinin 7 səbəbini açıqlayıb.
1. Oyun
Pişiklər və pişik balaları oyun zamanı bir-birini dişləyə bilərlər. Bu, onlar üçün normal davranış hesab olunur. Sizi dişlədikləri zaman, bu, xoşagəlməz və ağrılı olur.
2. Diqqəti cəlb etmək
Pişiklər evdə gəzib ayaqlarınıza qalxa, sonra tullanıb onları dişləyə bilərlər. Bu davranış, şübhəsiz ki, diqqətinizi cəlb edəcək və pişiklər bunu bilirlər. Darıxmış pişiklər tez-tez diqqət və ya əyləncə axtararkən mebel və divarları cızmaq və ya sahiblərinin ayaq biləklərini dişləmək kimi fitnə-fəsad törədirlər.
3. Həddindən artıq stimullaşdırma
Pişiklər həmçinin sığallanmaq istəmədikdə zaman dişləyə bilərlər.
4. Qorxu
Küncdə sıxışmış və qaça bilməyən bir pişik təhlükədən qaçmaq üçün dişləməyə əl ata bilər. Pişiyinizi bir şey etməyə məcbur etsəniz, məsələn, dırnağını tutmaq istənəniz, sizdən və ya digər insanlardan qaça bilər.
5. Ərazisini qorumaq
Pişiyiniz evinizi öz ərazisi hesab edə və onu yad insanlardan qorumağa çalışa bilər. Bəzi hallarda pişiklər tanış insanlara hücum edə və hətta onların evinizdəki otaqlara girməsinə mane ola bilər və bununla da dominantlıq nümayiş etdirir.
6. Analıq
Ana pişik balaları dünyaya gəldikdən sonra sizi və ya digər insanları dişləyə bilər. Bala pişiklər böyüdükcə və analarından asılılıqları azaldıqca bu davranış dayandırılmalıdır. Eynilə, ana pişik balalarını tərbiyə etmək üçün dişləyə bilər.
7. Ağrı
Xəstə, ağrılı və ya narahatlıq yaşayan pişiklər dişləyə bilər. Pişiyinizdə hər hansı yeni davranış görsəniz, bədənin müəyyən nahiyələrində gizlənmə, iştahsızlıq, əyilmiş duruş və ya həssaslıq kimi digər əlamətlərə diqqət yetirin, çünki bunlar ağrı və ya narahatlığı göstərə bilər.
Medianews.az
