Bəziləri üçün “yaxşı” kifayətdir, bəziləri üçün isə yalnız mükəmməl nəticə qəbulolunandır. Xırda detalların belə böyük məna daşıdığı bu yanaşma, xüsusilə astroloji baxımdan müəyyən bürclərin xarakterində açıq şəkildə özünü göstərir. Onlar hər işi incəliklə ölçüb-biçir, yarımçıq və səthi yanaşmaya əsla razı olmurlar. Bəs astrologiyaya görə mükəmməllik axtarışı ilə seçilən, dörd dörtlük sayılan bürclər hansılardır?
Həmin bürcləri təqdim edirik:
Buğa bürcü
Buğalar gözəlliyi və estetik dəyərləri çox sevirlər. Onlar hər şeyin mükəmməl görünməsini arzulayır və xırda detallara böyük əhəmiyyət verirlər. Vizual baxımdan cəlbedici və estetik işlər ortaya qoymağa çalışırlar. Eyni zamanda olduqca praktikdirlər və əl işlərinə qarşı təbii bacarıqları var. Buğalar bəzən inadkar olsalar da, bu xüsusiyyətləri çox vaxt məqsədlərinə çatmalarına kömək edir.
Qız bürcü
Qız bürcləri detallara göstərdikləri yüksək diqqət və mükəmməllik axtarışları ilə tanınırlar. Hər şeyi düzgün etmək istəyi onlar üçün əsasdır. İşlər istədikləri səviyyədə olmadıqda həm özlərini, həm də başqalarını tənqid edə bilərlər. Analitik düşüncə tərzinə malikdirlər və problemlərin həllinə sistemli, planlı yanaşırlar. Eyni zamanda çox səliqəli və təşkilatçı olurlar.
Tərəzi bürcü
Tərəzilər yaradıcı düşüncələri və estetik zövqləri ilə seçilirlər. Onlar balanslı və ahəngdar işlər ortaya qoymağa çalışır, mükəmməlliyə can atırlar. Müxtəlif elementləri bir araya gətirərək gözəl və uyğun bir bütöv yaratmaq bacarıqları yüksəkdir. Tərəzilər həm də diplomatikdirlər və münaqişələrin həllində təbii istedada malikdirlər. Bəzən qərarsız görünə bilsələr də, bu, əslində ən mükəmməl nəticəni əldə etmək istəklərindən irəli gəlir.
Əqrəb bürcü
Əqrəblər güclü diqqətləri və detallara verdikləri önəmlə tanınırlar. Onlar hadisələrin yalnız səthini deyil, mahiyyətini görməyi bacarırlar. Analitik düşüncəyə sahibdirlər və iş həyatında mükəmməllik axtarışındadırlar. Eyni zamanda yüksək intuisiya qabiliyyətinə malikdir, insan psixologiyasını dərindən anlayırlar. (Yeni Sabah)
