Araşdırmalar göstərir ki, qadınların bioloji olaraq kişilərlə müqayisədə daha çox yuxuya ehtiyacı var. Mütəxəssislərin fikrincə, bunun əsas səbəbləri hormonal dəyişikliklər, çoxsaylı gündəlik öhdəliklər və beynin daha intensiv işləməsidir.
340 cütlük üzərində aparılan araşdırma zamanı müəyyən edilib ki, qadınlar istirahət günlərində kişilərdən orta hesabla 26 dəqiqə daha çox yatırlar.
Mütəxəssislər bildirirlər ki, menstruasiya dövrü, hamiləlik və menopauza kimi hormonal dəyişikliklər qadınların yuxu keyfiyyətinə təsir göstərir. Bundan əlavə, iş və ailə məsuliyyətləri də onların daha çox yorulmasına səbəb olur.
Psixoloqlar qeyd edirlər ki, xroniki yuxusuzluq qadınlarda əsəbilik, narahatlıq və emosional gərginliyi artırır ki, bu da ailədaxili münasibətlərə mənfi təsir göstərə bilər.
Araşdırmaya görə, qadınların kifayət qədər istirahət etməsi həm sağlamlıq, həm də ailə münasibətlərinin qorunması baxımından mühüm əhəmiyyət daşıyır./BAKU.WS