Efirdə yardım istəyi ilə etdiyi əl işarəsi günlər sonra faciə ilə nəticələnib.
Yayılan görüntülər sosial şəbəkələrdə geniş müzakirələrə səbəb olub. Belə ki, gənc qız televiziya proqramında çıxış edərkən təhlükədə olduğunu gizli şəkildə çatdırmaq üçün əl işarəsi ilə kömək istədiyini (help signal) nümayiş etdirib.
Hadisədən bir neçə gün sonra isə onun öldürüldüyü barədə məlumat yayılıb. Bu fakt cəmiyyətdə ciddi narahatlıq doğurub və sözügedən görüntülər yenidən diqqət mərkəzinə düşüb.
İstifadəçilər bildirirlər ki, bu cür siqnalların vaxtında fərq edilməsi və ciddi qəbul olunması həyati əhəmiyyət daşıyır. Hadisə həmçinin zorakılıq qurbanlarının səssiz yardım çağırışlarına qarşı daha həssas yanaşmanın vacibliyini bir daha gündəmə gətirib.