Beynəlxalq Futbol Assosiasiyaları Federasiyası (FIFA) topun meydandan kənara çıxıb-çıxmadığını müəyyən etmək üçün yeni texnologiyanı sınaqdan keçirir.
Oxu.Az-ın xəbərinə görə, bu barədə BBC nəşri məlumat verib.
"Out of Bounds" adlı innovasiya 2025-ci ilin dekabr ayında Qətərdə keçirilən Qitələrarası Kubokun üç matçında sınaqdan keçirilən bir sıra texnologiyalardan biridir.
FIFA, həmçinin baxış xəttini nəzərə alaraq, "oyundankənar vəziyyət" qərarlarının verilməsini sürətləndirmək və bu qərarların daha aydın olmasını təmin etmək üçün real vaxt rejimində 3D rekonstruksiya imkanlarını genişləndirib. Arbitrın videoköməkçisinə (VAR) və televiziya izləyicilərinə əlçatan olan iki virtual axından istifadə olunur.
Yeni texnologiyalar FIFA və "Hawk-Eye Innovations" tərəfindən hazırlanıb. Onların milli liqalarda istifadə edilib-edilməyəcəyi hələlik məlum deyil.
