İmmunitet sisteminin möhkəm saxlanılması sağlamlığın qorunmasında, xüsusilə də soyuqdəymə və virusların yayıldığı mövsümdə böyük əhəmiyyət daşıyır. Mütəxəssislər bildirirlər ki, bunun üçün təkcə düzgün qidalanma və keyfiyyətli yuxu kifayət etmir.
Medianews.az Foodinfo.az-a istinadla xəbər verir ki, Eatthis.com mütəxəssisləri immuniteti gücləndirən içkilərin siyahısını açıqlayıb.
Ekspertlərin sözlərinə görə, bu içkilər həm orqanizmin müdafiə qabiliyyətini artırır, həm də lazımi maye balansının qorunmasına kömək edir.
Su
Sağlamlıq üçün ən əsas və vacib içkidir. Hüceyrələrin normal fəaliyyəti, o cümlədən immun sisteminin işləməsi üçün zəruri olan hidratasiya səviyyəsini qoruyur.
Yaşıl çay
Antioksidantlarla zəngindir və sərbəst radikallara qarşı mübarizədə orqanizmə dəstək olur. Maddələr mübadiləsini sürətləndirir və ümumi sağlamlığın möhkəmlənməsinə kömək edir.
Kefir
Bağırsaq sağlamlığında və immun funksiyaların güclənməsində mühüm rol oynayan faydalı bakteriyalar — probiotiklərin təbii mənbəyidir.
Limon və zəncəfilli çay
Limonun tərkibindəki C vitamini və zəncəfilin bioloji aktiv maddələri iltihabi proseslərin azalmasına və immunitetin dəstəklənməsinə kömək edir. Araşdırmalar göstərir ki, bu cür içkilər hüceyrələri oksidləşdirici stressdən qoruyur.
100 faiz portağal və ya qreyfrut şirəsi
Sitrus şirələri C vitamini və fol turşusu ilə zəngindir. Bu maddələr immun baryerlərin qorunmasına, T-hüceyrələrin və təbii killer hüceyrələrin fəaliyyətinin dəstəklənməsinə yardım edir.
Pomidor şirəsi
C vitamini və iltihabəleyhinə xüsusiyyətləri ilə tanınan likopinlə zəngindir. Bu içki iltihabın azalmasına və immun sisteminin möhkəmlənməsinə kömək edir.