Ortoped Luçano Miller bəzi yuxu pozalarının onurğaya ciddi zərər verə biləcəyi barədə xəbərdarlıq edib.
Medianews.az xəbər verir ki, o, xüsusilə mədə üstü yatmağın zərərli olduğunu bildirib. Həkimin sözlərinə görə, bu vəziyyətdə döş qəfəsi sıxılır, nəfəsalma çətinləşir, boyun və onurğa isə uzun müddət qeyri-təbii vəziyyətdə qalır.
Mütəxəssis qeyd edib ki, arxası üstə yatmaq bir çox insan üçün faydalı olsa da, onurğa ağrıları, piylənmə, hipertoniyası və yuxu apnesi olan şəxslər üçün uyğun olmaya bilər.
Miller həmçinin “embrion pozası”nın da zərərli olduğunu vurğulayıb. Onun sözlərinə görə, yan yatarkən bədənin həddindən artıq bükülməsi bel nahiyəsini sıxır və onurğanın əyriliyinə səbəb ola bilər.
Bundan başqa, çox hündür və ya çox alçaq yastıqla yatmaq da boyun nahiyəsinə əlavə yük yaradır və onurğanın düzgün mövqeyini pozur.
Medianews.az