Türkiyənin Şanlıurfa şəhərində baş verən silahlı insident faciə ilə nəticələnib.
Medianews.az xəbər verir ki, daşınmaz əmlak agenti olduğu bildirilən Əli Badıllı sevgilisi ilə mübahisə zamanı silahla atəş açıb, güllə müdaxilə etməyə çalışan qadının rəfiqəsinə dəyib.
Hadisədən sonra Badıllı eyni silahla intihar edib.
Hadisə yerinə çağırılan polis və təcili yardım briqadaları Əli Badıllının hadisə yerində həyatını itirdiyini müəyyən edib. Ağır yaralanan Semra Mutlukaya isə Mehmet Akif İnan Təlim və Araşdırma Xəstəxanasına aparılıb və onun müalicəsi davam edir.
Faktla bağlı araşdırma aparılır.
Medianews.az