İsti havalarda ağcaqanad və arı kimi uçan həşəratlara qarşı kimyəvi vasitələrə alternativ kimi “Türk qəhvəsinin yandırılması” üsulu diqqət çəkir.
Medianews.az xəbər verir ki, mütəxəssislər bu ənənəvi metodun qoxu və həşərat davranışı üzərində təsirini izah ediblər.
Araşdırmalara görə, qəhvədən çıxan qalın tüstü ağcaqanadların insanı tapmaq üçün istifadə etdiyi karbon qazı və qoxu siqnallarını zəiflədir. Bu səbəbdən həşəratlar həmin ərazidən uzaqlaşır.
Qəhvə tüstüsünün tərkibindəki maddələrin də həşəratlar üçün narahatedici təsir yaratdığı bildirilir.
Mütəxəssislər tətbiq zamanı tam qurudulmuş qəhvədən istifadə edilməsini, istiliyə davamlı qab seçilməsini və qəhvənin alovlanmadan yalnız tüstü halında yandırılmasını tövsiyə edirlər.
Bununla yanaşı, küləyin təsiri ilə tüstünün dağılması və qapalı məkanlarda istifadə zamanı yanğın təhlükəsi və hava keyfiyyəti risklərinə diqqət yetirilməsi vacib sayılır.
Medianews.az