Portuqaliyalı ulduz futbolçu Kristiano Ronaldo, Səudiyyə Ərəbistanının “Əl-Nəsr” klubu ilə qazandığı çempionluqdan sonra emosional anlar yaşayıb.
Medianews.az xəbər verir ki, Səudiyyə Ərəbistanı Pro Liqasında çempionluğa sevinən “Əl-Nəsr”də böyük coşğu yaşanıb.
Final fitindən sonra meydanda sevincini komanda yoldaşları ilə bölüşən Ronaldo bir müddət sonra göz yaşlarını saxlaya bilməyib.
Portuqaliyalı futbolçunun emosional anları kameralar tərəfindən qeydə alınıb və qısa müddətdə sosial şəbəkələrdə geniş yayılıb. Komanda yoldaşları isə Ronaldoya dəstək olaraq ona sarılıblar.
Qeyd edək ki, Kristiano Ronaldo bu mövsüm “Əl-Nəsr” forması ilə göstərdiyi performansla komandasının çempionluğunda mühüm rol oynayıb. Vurduğu vacib qollar və liderliyi ilə mövsümün ən çox diqqət çəkən futbolçularından biri olub. Ronaldonun göz yaşları dünya mediasında da geniş rezonans doğurub.