Dördqat "Böyük Dəbilqə" çempionu və dünya birincisi, belaruslu tennisçi Arina Sabalenka nişan üzüyünü çıxarmadan matç oynamaqla bağlı sualı cavablandırıb.
Medianews.az İdman.Biz-ə istinadən bildirir ki, Sabalenka bunun ona mane olmadığını deyib.
"Heç mane olmur. Hər şey əladır. Sağ əlimlə zərbəm indi daha güclüdür", - Sabalenka bildirib.
Tennisçi həmçinin toy tarixinin məlum olmadığını söyləyib.
Martın əvvəlində yunan əsilli braziliyalı iş adamı Georgios Franqulis Sabalenkaya evlilik təklifi edib. Sabalenka təklifi qəbul edib. Cütlük 2024-cü ildən bəri görüşür.