Məşhur aşpaz Rokko DiSpirito sağlam qidalanma ilə bağlı geniş yayılmış yanlış təsəvvürlərdən danışıb və arıqlamanı ləngidən əsas səhvi açıqlayıb.
Medianews.az xəbər verir ki, onun sözlərinə görə, arıqlamaq üçün hər kəsə uyğun tək bir həll yoxdur.
İlk növbədə problemin səbəbi müəyyən edilməlidir: bu, bədən tərkibində disbalans, fiziki aktivliyin azlığı və ya ümumilikdə yanlış qidalanma ola bilər.
Bununla belə, onun fikrincə, əsas rol məhz qidalanmaya aiddir. “Ağır məşq etsəniz belə, əgər siz LeBron Ceyms deyilsinizsə və bir oyunda 8000 kalori yandırmırsınızsa, düzgün olmayan qidalanmanı idmanla kompensasiya etmək mümkün deyil”, – deyə DiSpirito bildirib.
Aşpaz arıqlamaq istəyənlərə əsas addım kimi sadə prinsipləri tövsiyə edir: şəkər, alkoqol, emal olunmuş qidalar və sürətli karbohidratların azaldılması, zülal qəbulunun isə artırılması.
Onun sözlərinə görə, ən böyük problem insanların gündəlik qəbul etdikləri kalorinin real miqdarını düzgün qiymətləndirməməsidir.
“Biz əslində düşündüyümüzdən iki-üç dəfə çox kalori qəbul edirik… Hətta yemək bişirərkən və ya ev işləri görərkən yediyimiz kiçik miqdardakı qidalar belə ümumi kaloriyə əlavə olunur və zamanla yığılır”, – deyə o vurğulayıb.
Mütəxəssis hesab edir ki, yalnız fiziki aktivliklə kifayətlənmək arıqlama üçün yetərli deyil və qidalanma nəzarəti əsas şərtdir.
Medianews.az