Türkiyə və Avropa futbolunda böyük əks-səda doğuracaq bir iddia gündəmə gəlib.
"Fənərbağça" klubunun keçmiş prezidenti Ali Koçun İspaniya La Liqası təmsilçilərindən olan "Sevilya" klubunu satın almaq üçün hərəkətə keçdiyi irəli sürülüb.
"Fənərbağça"da yenidən prezidentlik yarışından uzaq durmağa üstünlük verən Ali Koçun yönünü Avropaya çevirdiyi bildirilir.
Transfer və satınalma prosesinin pərdəarxası detalları ilə bağlı sızan məlumatlarda layihənin maliyyə tərəfi də bəlli olub:
-
İlkin Araşdırma Mərhələsi: Ali Koçun rəhbərlik etdiyi nümayəndə heyətinin İspaniya klubunun mövcud maliyyə və hüquqi vəziyyətini öyrənmək üçün ilkin araşdırma (audit) prosesinə başladığı qeyd olunur.
-
Operativ Büdcə: Bu böyük futbol operasiyası üçün təxminən 150 milyon avroluq bir büdcənin ayrıldığı və danışıqların bu rəqəm ətrafında formalaşacağı iddia edilir.
Əgər bu iddialar reallığa çevrilərsə, Ali Koç Avropanın ən köklü klublarından birinin sahibi olaraq beynəlxalq futbol arenasında yeni bir səhifə açacaq./Offsideplus.az