Mərakeş millisi DÇ-2026-nın 1/16 finalında Niderlandı turnirdən kənarlaşdıraraq növbəti tarixi uğura imza atıb.
Medianews.az xəbər verir ki, bununla da afrikalılar dünya çempionatlarının pley-off mərhələsində ardıcıl üçüncü dəfə Avropa nəhənglərini mübarizədən kənarlaşdırıblar.
Xatırladaq ki, Mərakeş DÇ-2022-də də möhtəşəm oyun nümayiş etdirərək 1/8 finalda İspaniyanı (penaltilərlə 3:0), 1/4 finalda isə Portuqaliyanı (1:0) məğlub etmişdi.
Qeyd edək ki, ABŞ, Kanada və Meksikanın ev sahibliyi etdiyi DÇ-2026 iyulun 19-dək davam edəcək. Turnirin son çempionu isə Argentina millisidir.
Medianews.az