Alimlərin araşdırmalarına görə, evdə it saxlamaq insan sağlamlığına müsbət təsir göstərə və erkən ölüm riskini azalda bilər.
Medianews.az “The Washington Post”a istinadən xəbər verir ki, it sahiblərində ölüm riski təxminən 24% daha aşağı ola bilər.
Tədqiqatlar xüsusilə ürək-damar xəstəlikləri olan insanlarda müsbət təsirin daha güclü olduğunu göstərir. Mütəxəssislər bildirirlər ki, müntəzəm gəzinti və fiziki aktivlik bu nəticədə əsas rol oynayır.
Həmçinin Harvard Tibb Məktəbinin mütəxəssisləri qeyd edirlər ki, gündəlik gəzintilər qan təzyiqini və xolesterini aşağı sala bilər. Tədqiqatçılar vurğulayırlar ki, əsas fayda təkcə heyvanın olması deyil, onunla aktiv şəkildə məşğul olmaqdır.
Medianews.az