"Stroke" jurnalında dərc olunan araşdırmaya görə, aşağı səviyyəli hava çirkliliyi belə insanın yaddaşına və düşünmə sürətinə mənfi təsir göstərə bilər.
Medianews.az xəbər verir ki, kanadalı alimlər təxminən 7 min orta yaşlı insanın məlumatlarını analiz ediblər.
Onlar insanların yaşadığı ərazilərdəki hava keyfiyyəti ilə idrak göstəricilərini müqayisə ediblər. Xüsusilə PM2.5 hissəcikləri və azot dioksid kimi nəqliyyat və sənaye mənşəli çirkləndiricilər araşdırılıb.
Nəticələr göstərib ki, daha çirkli havada yaşayan insanlar yaddaş, məlumat anlama və düşünmə sürəti testlərində daha zəif nəticə göstərirlər. Bundan əlavə, MRT müayinələrində beyində kiçik dəyişikliklər də aşkar edilib. Bu əlaqə qadınlarda daha güclü müşahidə olunub.
Medianews.az