ABŞ Prezidenti Donald Tramp Ağ Evin "vəziyyət otağında" milli təhlükəsizlik komandası ilə təcili görüş keçirib.
Medianews.az xəbər verir ki, bu barədə "Axios" nəşri məlumat yayıb.
Məlumata görə, görüşdə İranla gərginliyin kəskin şəkildə artması, ABŞ-nin İrana son hücumları və mümkün növbəti addımlar müzakirə olunub.
Hesabatda bildirilir ki, Tramp Tehranın nüvə sazişinə cavab verməkdə gecikməsindən narazıdır və İranın vaxt qazanmağa və Vaşinqtonu çaşdırmağa çalışdığına inanır.
ABŞ administrasiyası həm hərbi təzyiqi artırmağı, həm də diplomatik kanalları qoruyub saxlamağı düşünür.
Mənbələrə görə, müzakirə olunan variantlardan biri İranı danışıqlar mövqeyini dəyişdirməyə məcbur etmək məqsədi daşıyan genişmiqyaslı, lakin qısamüddətli əməliyyatdır./ "Unikal"