Diyetoloqlar bildirirlər ki, xurma adi şəkərlə müqayisədə daha faydalı alternativ hesab olunsa da, onun da normada istehlakı vacibdir.
Medianews.az-ın məlumatına görə, əsas fərq ondadır ki, bütöv xurma lif, antioksidant və faydalı minerallarla zəngindir, ağ şəkər isə demək olar ki, qida dəyərinə malik deyil.
Mütəxəssislər qeyd edirlər ki, xurmadakı lif qanda şəkərin daha yavaş yüksəlməsinə kömək edir. Bundan əlavə, tərkibindəki antioksidantlar iltihabı azaltmağa və bağırsaq sağlamlığını dəstəkləməyə müsbət təsir göstərə bilər.
Araşdırmalar göstərir ki, xurma orta qlisemik indeksə malikdir və insulin həssaslığını yaxşılaşdırmağa kömək edə bilər. Bununla belə, diyetoloqlar xatırladır ki, xurma yenə də təbii şəkər mənbəyidir və həddindən artıq istifadəsi məsləhət görülmür.
Ekspertlərin tövsiyəsinə görə, gündə təxminən 40 qram — yəni 2 iri və ya 4–5 adi xurma yemək kifayət hesab olunur.
Mütəxəssislər həmçinin bildirirlər ki, xurma şəkəri də adi şəkərlə müqayisədə daha faydalıdır. Çünki onun tərkibində kalium, maqnezium və antioksidantlar mövcuddur. Buna baxmayaraq, xurma şəkəri də tamamilə zərərsiz hesab edilmir və ölçülü istifadə olunmalıdır.
Medianews.az