Rusiya Kareliya Respublikasında, Petrozavodsk yaxınlığındakı Novaya Vilqa kəndində, Finlandiya sərhədinə yaxın ərazidə yeni hərbi baza tikintisinə başlayıb.
Medianews.az xəbər verir ki, bu barədə Finlandiya kəşfiyyatının keçmiş zabiti Marko Eklundun açıqlamalarına və peyk görüntülərinin təhlilinə istinadən məlumat yayıb.
Ekspertlər bildirirlər ki, layihənin miqyası region üçün misilsiz hesab olunur. Çünki indiyədək bu ərazidə əsasən sovet dövründən qalan hərbi obyektlərin modernləşdirilməsi və yenidən qurulması həyata keçirilirdi.
Peyk görüntülərinin təhlilinə əsasən, tikinti sahəsinin hazırlanmasına 2025-ci ilin sonlarında başlanılıb. İlk meşə qırıntıları noyabr ayında qeydə alınıb, qış mövsümündə isə genişmiqyaslı torpaq işlərinə start verilib.
Finlandiyalı müşahidəçilərin qiymətləndirməsinə görə, yeni qarnizon son onilliklərdə Rusiyanın Finlandiya sərhədi yaxınlığında inşa etdiyi ən iri hərbi obyektlərdən birinə çevrilə bilər./ Konkret.az